Bildumaren zerrendara itzuli Idazle beraren beste lanak


LIBURUARI BURUZKO
KRITIKAK

 


 

HATS BAT

 

Eta agian musu baten saiatzean,

neurriak hartzen dizkiozu heriotzari,

azkenak izan ahal baitira biak.

 

Zure musua.

Nire heriotza.

 

Edota erroi grisa ematen duen goiza,

ohiko kafea hartzetik itzulirik

bizitzaren birika pisutsua sentitzen duzu.

 

Zure musua.

Nire heriotza.

 

Eta orduan musu baten saiatzea behar duzu,

ustekabean, hats bat bezalakoa,

ufada ulertezina, desio bolborazkoa.

 

Zure musua.

Nire heriotza.

 

 

 

© Juanra Madariaga

 


www.susa-literatura.eus