9
Heriotzatik itzuli ez zarenean
Ontzi etrusko bat ekarri dit
Zure eskuak
Hondorik urrunenean jasoa
Bihotza eskuan bezala ekarri dit
Ontzi etrusko bitxi bat
Zure eskuak
Ekarria delako bihotzago
Zure bihotz zartatua balitz bezala
Hartu du ontzia
Nire eskuak
Zartatua delako osoago
Hondamendi baten lekuko
Hustu du zure bihotza
Nire eskuak
Ontzi etrusko bat hartu du
© Koldo Izagirre