8
Badakit zure mezua desgiltzatzen
Zalantza guztiak dira tragikoak gerlan
Ziurtasun guztiak dira tragikoak maitasunean
Ezagutzen ditut faroen keinuak
( Komandanteak periskopatik behatzen utzi digu
Hiltzen jarraitzen dugula ziurtatu behar dugu denok
Ezkututik mozorrotuak sinadurarik gabe segaz ematen dugu epaia
Grafologo baten urrunkeriaz maite gaituzten ala ez
Malmaitatuak bezain anker egin dugu su
Patu gaiztoko ontzi inork maita ez nintzala nahi nueneko emakume
Komandanteak zorionak eman dizkigu )
Inoiz bizirautea ez da posible
Inoiz mezu giltzatua zuzen izan da ulertua
Gure baitaren hondoan ozentzen dira kargak
Ez ezazu nire alde deklara Nurembergen
© Koldo Izagirre