- PORTUAN UME
- LIBURUAK LEIHO
- ONTZIA METAFORA
- GELTOKI ONDOKO ETXEA
- GÜNTERREN MALURA
- MONIQUEREN ARAOA
- ITSASOA EZ DA NEUTRALA
- UMEAREN HERIOTZA
7
Nik nitaz ez diot inori
Nik nitaz barre egiten dut
Neurea kantatzen dut
Nirea entzunez berea ulertzen dutenendako
Gau honetan trengura gutiago baneuka
Zainetarik gora datorkidan inurri gutiago
Eskaintzen ahal nizuen maitasun aitorpen bat
Primus circundedisti me xuxurlatuko nizueke
Ezpainak mikroan ongi ipurdituz
Zuetariko bakoitzari esana balitz bezain gozo
Ez dago barkamenik lotsatiendako
Emaiozue kasu Monique barfrau honi
Ikaraz dakienak bakarrik daki maitasunaz
Baina gau honetan nitaz barre
Besterik ez dut egin nahi
Maitasun poema bat xuxurlatzen dizuet
Heriotzatik itzulitakoen artean bazeunde bezala
Nirea entzunez zeurea ulertuko ez duzun arren
Etsaiaren helizea bezala helduko da
Barre bat zure hidrofonoetara
© Koldo Izagirre