- PORTUAN UME
- LIBURUAK LEIHO
- ONTZIA METAFORA
- GELTOKI ONDOKO ETXEA
- GÜNTERREN MALURA
- MONIQUEREN ARAOA
- ITSASOA EZ DA NEUTRALA
- UMEAREN HERIOTZA
GIZONEN ARTEAN
Moila bazterrean dago Gurutze Gorriko furgoneta
Kamaina prestatu dute marea oso behera dago
Arazoak izan ditzakete gorpua ontzitik ateratzeko
Ongi lotuta lehorreratu beharko dugu
Esan du Marina Españolako alferezak
Umeari aldegiteko aginduz
Eta orduan urduriagotu egin da
Egia baita beraz ontziak hildako bat dakarrela
Hildako bat ikusi behar du aurrenekoz
Kamaina batean lotua
Ito bat baino gehiago mugi ez dadin
Hildakoak arriskutsuak dira
Hildakoak motin bat egin du kapitaina akabatu du
Arruta aldatu nahi izan du
Hildakoak ezin du pirata ez izan
Hildakoak eskifaia guztia lepotu du
Eta ondoren biktimek bera urkatu dute noski
Ontziak hildako bat zekarrela
Utzi zioten entzuten behintzat estekariek
Kantinan erdiesaka ari zirelarik
Umearen urduria ikusteko
Umea gizontzeko
© Koldo Izagirre