ZAMAREN SEMANTIKA
Hitzarmen guztiak apurtuz
Aliantza berritan elkartzen dira
Ezin zaie zama lotu
Umekiak bezala jotzen dute ostiko
Gure ontziaren zuakerrak lehertu nahirik
Trabes egiten dugu alboraka
Ezin dugu orekarik
Maniobra berriak egitera
Behartzen naute beti berbek
* * *
Poesia arriskutsua da
Orratzaren zuhurtzia baino bortitzagoa da
Esangurak ongi estibatu gabe ontziratzen gaitu
Eta galernak badaki
* * *
Berbak hutsak datoz
Poesiak behar du paradoxa
Berbak hutsak datoz adibidez
Eta portuak esate baterako
Portuak urrun daude
© Koldo Izagirre