7
Ihes egin behar dizut
Amorea erakar dezazun baino lehen
Ihes egin behar dizut krimen bat egin dut
Eta ez zaitut haren froga zu ikusi nahi
Ihes egitera behartzen nauzu
Zure malderrak zirimola ez nazan
( Maitasuna kode zaharra da
Bortxazko harremana dugu
Periskoparen koordenadetan zeunden kondenatua
Erabakia neukanaren aurka )
Erabakia neukan guztiaren aurka azaldu zinen zu
Beduin hasiberri ustez eta heriotzaren oasiak lilura diren
Gerlarako bakarrik balio ote dut
Maitasuna ez da behintzat ahulen arma
Hurbilduko zaizkizu urpekariak mendeen buruan
Ez dizkizute hezurrak laztanduko nik bezain
© Koldo Izagirre