HERIOTZA BAT

Deia jaso eta etxera itzuli gara.

Paseatzera irten gara gero.

Basoan barrena, pasmo-belarra

bildu duzu zuk, nik

berriro

bihurritu dut orkatila eta urratu belauna

lehenengoz balitz bezala.

Bide osoan etorri da katua gure atzetik.

Inoiz ez da une egokia edo,

hobeto esanda,

oharkabe,

heriotza eta bizitza egunero daude nahasian

pasmo-belarra eta asuna

hazten dituen zelai honetan

beti daude

txahalak haragitan,

armiarmatxoak

eta kaparrak.

Etxera bueltakoan

izaki bizidun txikienak

begitantzen zaizkit

bat-batean

mirari bat.