ARRATSA INVERNESS-EKO KANPINEAN

Laku ertzera bilduta aulkiak,

zain dago jendea.

Ahizpa batek besteari erakusten dio

nola jaurti harriak

ibil daitezen

saltoka, ezinbestean

hondoratu aurretik.

Urazalean argia

hura bezain higiezin

eta zaurgarri

eta halere alde egiten

eguna hondora doan artean

une batez

badirudi

mundu osoko harriek

ezin dutela inor zauritu

ezin dutela inor jo.