KONTRA (INTRO)

Esan? Zuk ere nahi zenuke esan? Esan zer?

[…]

Inuzente halakoa: ez duzu zeure buruarekin

nahikoa gertutasun

zer esana izateko.

Henri Michaux

Isiltasunetik gertu dago

esan nahi dudan guztia.

Ahoskatu nahi nituzkeen soinuak

ez dira ia

ezer.

Hizkuntza guztiak ulertzeko zorian

banengo bezala sentitzen naiz hemen

isiltasunetik gertu.

Hemen

hartzen dut

buztinaren malgutasunaz

arnasa.