ELIKA

Gizon bat ikusi dut gaur

olatuak ahituta zetozen

ibaian gora

eta barandari helduta zegoen

ezerezera begira

gizon bat

ogi zatitxoak airera jaurtitzen

eta kaio zurrunbilo bat

kaioak banan-banan

amiltzen elikagai ehizan.

Eta ez dut jakin nor nintzen ni.

Airea elikatzen saiatzen dena

papur gosez amiltzen dena

korrontearen aurka ahitzen dena

edo begirada galdu bat.