DEBRIS
(URTEZAHARRA, HONDARTZA)

Jakin nahiko nuke irakurtzen

urak dakarrena.

Enbor eta adar hilen esangura

zein den

hor

heriotza zakarrean

te hostoak katiluaren hondoan

umel

hor

gure begiradaren zain

etorkizuna

korronteak ekarritako zaborrarekin

eraiki ditu jendeak

kaxota daldaxak hondarretan:

erabakia erabakiaren gainean

orekan.

Inor ez da itsasoaren aurrean den bezain hauskorra.

Jakin nahiko nuke nora doan.