MAREA BIZIAK

Udako egun bero hartan

gaueko bederatziak aldera

bainatu ginen lekuan daude

orain

karrakela bila.

Ia-ia Hendaiara joan liteke oinez

gaur.

                       Muga desagertzeko

                       nahikoa da urak ihes egitea

                       beste norabait.

Burumakur bilatzen dute

lokatz zingiratsuan zerbait,

soinean dituztela botak eta praka inpermeableak

                                                          iragazgaitz

ezin ditu zikindu ezerk.

Gaur haiek

dauden leku horretantxe

flotatzen

pentsatu nuen

“ze pena / arrats honek / ez duela iraungo”.