SMALLDANCE I (HEMENDA)

Huntzak bere bidea egiten du eta guk gurea. Gutxi

esatea da hori baina, asko litzateke egia balitz.

Harkaitz Cano

Huntzaren osteko arrastoa horman:

garro bat.

Lore fosilizatuak diruditen

ex-helduleku

ezdeusak

esku zabalduak baino

ez orain.

Hostoen artetik txandaka

itsutzen dizkit begiak eguzkiak.

Hemen baino ez du berotzen

(hemenhemen)

zuhaitz honen azpian

(hemenhemen)

oraindik.

Dantzatzea bada egotea

                        begirada erdia itzaletan /

                        beste erdia argitan

lortu dut segundo batzuez

(hemenhemen)

geldi-geldi.