GLADIATOR

Amestu dut

pelikulako gladiadoreekin

eta haietako bakoitzak

robot-burua zuen

eta barruan

haur bat gidari

bideo-joko batean bezala

haien ekintza bortitz bakoitza imajinatzen

eta agintzen

milaka eta milaka urte geroago

ezin usaindu zirkuak eta lehoiak

hondarretan barreiatutako hesteak

odoldutako aurpegi gaziak

mokoka hustutako begiak

milaka eta milaka urte geroago

ekintza bortitz eta artikulatu ororen atzean

fikzio

ia infantil bat.