PIETÀ, BEHIN ETA BERRIRO
(LANTUA ERE PAISAIA BAT DA)

Ezin zenbatu

zenbat aldiz errepikatu den keinua:

norbait

belauniko

beste norbait

besoetan duela,

hilik

            edo.

Zenbat aldiz pasatu duen norbaitek

bere besoa

beste norbaiten azpitik

eta jaso duen lurretik

ahal bezala

eusteko

oraindik

eusteko

oraindik

            jaso daitekeenari

kopeta kopetaren kontra

oraindik

            kulunka

beso batek bildu

eta besteak ukitu

esku batek heldu

eta besteak laztandu.

Pisua

eta gorde ezin dena

                                  nekatzen

beso biziak.