Bere begien osin agorrengan abenidak zinkuru
langarrak eraiki tanta finez
(isiltasunaren poderioa)
Minez dihardute biztanleek urki ebakiak lez
soin trenkatuenganako grinez
(leiho oihanean barrena)
Pasiloa infinitorantz galtzen gurdia ortzemuga bailiren
(karrika burdin sare)
Leiho bakoitzari paisaia zaio paisaia bera nenufare
ustelen desioz ereina
(urmaelaren mentura: ar-hesia)
Oroimenak hezurrezko kutxetan orain trinkoan
aurkezten etorkizun ele beilegiz
(denboraren beta)
Nekeza bere malenkonia manukorrari ihes egitea
urte berri bizi berri deritzaio elurraren etorrerari
(izen okerrez zamatua)
Soinak bakarrik jakin dezakete desio nabarren berri
(negar egiten da farmalkoz)
Untzarenganako plazerra paradisu kadukatua
(farmalkoz elikatu ditu egunak)
Ilunbetak dirakite hostroei firfirak eragotziz alterego
zimelduak pertxertan direino dilindan
(beti beste izatera kondenatuak)
Marmarren kolorearekiko dute logikamina garunen
adierazbide akatsek eskeinitakoaren etoiaz
(kantuka)
Marrubizko mermelada elaien hobi kafesnearenganako
dantza erotikoan
(bihotzeraino odola bezala)
Espazioa xurxulez frinzatzen kutxakardetan Euskradak
amestuz
(posible da desesperoa nabigatzea)
Estonatua dantzu poterearen karkail teiauak
(bere begien osin agorrengan)
Zanbrotsu deritzo kantu orori zer egin gaur zer egin
sekula
(erreka umoen abenida zinkuru)
Baita.
© Juanjo Olasagarre