Zenbat izen ditu heriotzak
arru maiztasunez egunak, udak
uda udatuz, neguak hotza
bihotzak bihotzetan
pairamenaren uzta zorituz
eta mirailak beste zu bat
itzuliko dizu zure buruaren aurkezle
galdutako guztiaren izkiriatzaile
Izanen dituzu akaso
espazio bizigabeak, atzoak beti eta
furingera iheskor hori denbora
denbora dena aztiatua, lehaio, zu bera
goizaldetik milaka formatotan
aurkeztua.
© Juanjo Olasagarre