Perspektiba leuna da
mihisa meheak oro estaltzen duela
odolaren jario isila bezain
emea begiratua: iragana
Bular sendar guzti haien dizdira urruna ulua
desioaren setioan gauean bilaka parkean
(eszenatoki berbera)
slip multikoloreen laburpena desio hantua
Gaur edozein hiritako parke honetan
irudien iragaite hastandua
begiradaz begirada irristatzen da desioa
hankartean galtzen
beranduegitan itzultzen
pasioa zurezko da
urriko gauetze honetan.
© Juanjo Olasagarre