Dio:
Ez dut ele gehiago erranen zure izenaren izenean
ez dut elurraren errai lizuna zurekin bisitatuko
ez zaitut ikusiko inoiz kez landutako landetan barna
ez dut zureganako perbersioen xendetan irri eginen
zure ipurmasailetan izkutatu galderak
erantzun bila zetozen
(desioa beste falo batez naharo)
nontu zinen errealitatea eginik ezerezaren antzeko
mundu soraio batenganako grinez
atetua iraduaren aterbeetan
(eskapoa galderaren aurrean)
© Juanjo Olasagarre