Igandako urteez ahurretan ezer gutxi
haize-lorratzak bailiren oroimen itsu batzu
nabarmentzeko hitsegi, gogoratzeko lain ez
motor abarrotsa bezalako, errime,
erreka hutsen amiltze barrunbe bat
egun oro hamabietan ohera aurretik
desaditu behar dena
erromantizismo desitxuratu hau ipuinekoa
bailitzan egite trajikoenak maitatzera
haramana, mitomaniarako joera hori
hain farregarria batzutan
(antigualdean hil huen Etchaun
eta inzestoaren aroa iragana duk)
autokupida estatua umel hori, hire
hirugarren itzala
ez diat pairatzen
pisu paratzen haiz hireaz
mintza eta mintza
badituk
urrearen dizdirak higan
hire buruaz, esatebaterako
gozo trufatzeko paradan
gustoko haut, maitatuen
halere
isilik hagoenean.
© Juanjo Olasagarre