Ezta ele bakar bat ere laztana
hauts bait daiteke enigma kuttuna
ez zaitez mintza, ez mugitu maitea
errekonozi ez zaitzan ene ispiluan errainu
Iraun ezazu laztan honetan laztana
sorbeltzak errozpean zinkuru kuttuna
kale arnasa, egurats ozena maitea
urrun mugaz harantza ene bihotzeko bihotz
Ez nazazu begira laztana
apika izutuko nauzu kuttuna
ohar zaitez aienak nahi gaituela maitea
eta gaueko espektro bilakatu ene paduko padu
Ezta ele bakar bat ere laztana
hauts bait daiteke enigma kuttuna
ez zaitez mintza, ez mugitu maitea
maitasunak eho nahi gaitu ene errotako erroi.
© Juanjo Olasagarre