Gauetan hantutzen zaizun
poema beltz more horrek
nik ezagutu idazmolde
ederrenak ditu
ez du inoiz poema batek
zure gorputzaren musikalitatea
erdietsiko
Enegan idatzi Z orok
zure izterren basoan A
du paratua gogoa.
amoltsu arakatuko dizut arima
eta barauez beztitua bazkaldu bi habiak
eta desioaren desioz
erroitza erlastuko eme
ferekaz fereka frintzatuko
zure gorputz gotorra gargailatu arte
izanen gara haguna, hatu gabe hegan
aurkituko ditut zure istil, izaro, intziriak
jabal jabalak
kisuaren kerako kaduria kimatuz
liho leun loa
menturaturik marea
nenufarengan
otso odoltsuaren gisa ohostuko
pipilaren perfumea
ene soineko egiteko
eta titiak tantai
uhuri uzta dute ukanen
xendaren xerka abiatuko naiz
zantzoak zuzen zutuz zanbrotuko dizut zakila.
© Juanjo Olasagarre