Motza da estaltzen zaituen ehuna
granatea soinaren zabaltasunean
bustia marrazten duen muinoa
itsasoko duna
eta tenplu bateko kolumnak hankak
basoz populatuak ur beltzez
zeharkatuak tantak
zure anguluetan
hain da motza estaltzen zaituen ehuna
ezinezkoa asmatzea izkutatzen dituen munduak
granatea eta haragia
hondarraren galgatan.
© Juanjo Olasagarre