Susa-ko liburuak

Beltzaren semea da, elurgorriaren kumea urrats

erraldoienganako pasioz

untzaren anaia da eta untza bezala itsatsirik bizi goizalde

ozpindu honetan

ekiaren destainaz

Transformer iaioa da ikasi du zintzoki noiz izan ibai

ertzeko makal

noiz sala aurreko intxaurrondo iguriki

Kontradikzio horia da eremu deslaienean erreinu anker

batez marraztuz

sasoien babesa

Baina beste zerbait agindu zioten dena

Esaterako: zoriontasunaren bateran zitekeela

edo arratsarekin bat ez lukeela etzan behar

halabeharrez

edo izenen izenak ez zituztela kontutan hartuko

edo oihan kordokatuaren pareko zitekeela

Baina nola inezturak arbola kixkurtu hala gaituzte soildu

bizitzaren

bira amaitezinak

Eta gaur oroimenaz beste zenbaki lerratu bat da

bere izenaren hautematea arrotza zaio

nola arrotza sahatsaren lengoaia ezkutua erabat

desenfrenatua

belarrietarako

Desioaren jeringiletan arraildutako hauts naharoetan

barrena bidaiatzen da

badaezpada ikurrak lorraztuz badaezpada

paranoiaren erresuma estuko bide xidor

lizartsuan

Badaramatza egun franko eutanasia trenka dezaten

txostenak idazten

Egunak zigarroen ke hutsez elika daitezkeen

baieztapenez bete

ditu psikologi trataktusen margina oro

nola euriak oihanetako hostroen larrua

malkoz

Jakin du guttunen poderioa postarien zorroenganako

eta motorrena gizonenganako

Espero du taxiak sahatian espero bezala

Biziaren kerua etorriko delakoan edo

Espero du kristalak hausteko

Pasioaren eldarnioak irakas diezaion

non utzi zuen soina.