Baina hain da luzea bidaia hain nekeza mortuan zehar trabesia hau
aeio esan genion hainbeste gauzari hainbeste soin hil gibelean utzi
ezkietan soin guzti hauek zintzilik sorterri umel hartan
nobody knows where... ikasi genuen esaten ortze halabeharrez gorriei
Muga bat edozein muga espero dugu urrun jabal honetan
baina hain da luzea bidaia hain nekeza mortuan zehar trabesia hau
eki frintza bakoitzean trasaldatzen zaigu paradisua desioz harantza
kanta ohi dugu likido amiotikoen igarleak noiz sortuko zai
Zein mentekatua gure Moises berez Moises oro mentekatu
halaber jaungoikoa mentekatu aginduz agindu sutan
mentekatuenak gu herri aukeratua ustez nobody knows jaunaren...
dugu ilunabar oro gareneko mana jan ohi
Azken kanpamendua nonbait balitz sikiera
kanpaina dendak gure narruz josiagatik
jaungoikoaren beharra pairatuko genuke
aisa aisago bederen manualetan letorke bizia nola den
Baina hain da luzea bidaia hain nekeza mortuan zehar trabesia hau
gamelurik gabe dunaz duna erratze astuna
erraiak urratzen dituen haize sargoritsu hau soineko
legea bezalako aho-lehorte hau heriotz itsaso baso.
© Juanjo Olasagarre