Hiriak negutu zuen
hondar bazterretan homosexualak
begirada kolpez mintzatzen
elkar terziopelo elez putek
arrastaka zeramaten urtetako
nekedura
txakurrek jabe deslaiak
bilatzen zituzten
arnas eri garaia
azken autoak goragale azkena
ekarri zuen plastiko eta
gasolina usainez, bafle batek
izenak erran zituen
bere buruak kokatzearren batez ere
birao egin zuen norbaitek
munduaren kontra
iragan ziren modernoak
zelofan lurrinez inguraturik
far karkaila entzun zen
han hurrinean
egunaren argi salatariak hautsi zuten
ilunbeten arlasa
galipo gainean
kondoi bat datza
© Juanjo Olasagarre