BERMERIK GABE
Ez dut nik jaurtiki amets hori hormaren kontra,
ez naiz ni izan
zurezko mailadietan gora isiltasuna
oinutsik igotzen sentitu duen bakarra.
Ezpain arrotzek itzartu naute goizaldean;
baketze honek ez digu ezeren bermerik emanen.
Denok entzun dugu azken desarra,
odola gure praka barrenak zipriztintzen.
Zuk bezainbat berba bildu dut nik ere,
baina kontu egin behar dugu
Bidasoak gehiago bana ez gaitzan.
Bakartuak bizi gara
oroimenak lagatako hutsunean.
© Mikel Ibarguren