HAIZE-GORDEAN
Hau ez da Passicot komandantearen karrika,
bestaldeko edozein karrika ez bada.
Zu eta ni lotzen gaituen zubiak
bederatzi bandera dauzka haizeari zabal emanak.
Alferrik ipiniko dizkiote barraderak itsasoari,
gesala beti iritsiko da gure oroitzapenetara.
Amets nazakezu naharo itsasarte txarra dugun arren.
Ez naiz ni izan bihotz herdoildu hau
hemen ainguratu duena.
Ahulak dira ezinaren amarrak.
© Mikel Ibarguren