CARREFOUR DES ÉVADÉS
Uhainak lokartu aitzin behar duzu hona.
Oroimina baino ez da hazten paretetan,
laburregiak dira nire hatzak
zure larrumintza akordura ekartzeko.
Jendeak dio partitu zarela;
gaulehenean ametsak berotzen ez bazaitu,
alboan nauzula ahantzi duzulako izanen da.
Beti eginen dugu ihes Askatasunaren Etorbidetik,
arrastoak zaldi-apatxen pean desagerraraziz.
Mugak mugaegi izango dira orduan ere
gure bakardadearentzat.
Joan egin zara
noizbait itzuliko zaren jakin gabe,
eta muga honek ez dit aurrerago joaten uzten.
© Mikel Ibarguren