Scanner
Scanner
2011, poesia
96 orrialde
978-84-92468-31-7
azala: Oihana Leunda
Leire Bilbao
1978, Ondarroa
 
2006, poesia
 

 

GALDERA BAT DA NIRE GORPUTZA

 

nire gorputza galdera ikurra da

bere puntuaren bila

plastikoa bezala urtzen da

nahiz eta antikonjelanteak izan biriketan

suge bat darama bizkarrean

zigilu bat ipurmasailean

dena ezkutatzen du

kezko azalean

zabalik uzten dut batzuetan

armairuak bezala

barrura begiratu beharrik ez izateko

oihu egiten duenean

saihestu egiten dut bestetan

aulki batean aparkatuta

larregi ahazten naiz berataz

baina atzetik datorkit nahitaez

galdera ikurra legez

noiznahi abandonatuko duen esaldi baten ostean