Emakume bat eta gizon bat

Emakume bat eta gizon bat bizitzak hartaraturik,

emakume bat eta gizon bat bekoz beko

gauean bizi dira, gainezka egiten dute eskuetatik,

itzaletan gora libre igotzen entzuten dira,

haien buruak haurtzaro eder batean etzanik,

biek batera sortutakoa, eguzkiz, argiz betea,

emakume batek eta gizon batek ezpainetatik elkar loturik

gau motela betetzen dute beren oroimen guztiarekin,

emakume batek eta gizon batek, biak bestearengan ederrago

beren tokia hartzen dute lurrean.