AZAROA DABIL UDAKO BIDEETAN
Oroitzapenek orainaren ilusioa sortzen dutenean
eta uretan jarriz arrosa sikuak
eta maitasunaren laztasunak harrituta
maitasunaren laztasunak harrituta.
Euria leiho beltzetatik behera datorrenean
euria datorrenean fatxadetan behera masailetan
denborarik ez denean gehiago
otsoek inguratzen gaituztenean.
Ausentzia hitzak pisu guztia galtzen duenean
gau honetan ilargiaren zuritasuna
zeruak ematen du
Mekanika Eskolako korridore bat.
Bizitza lehenbizi pentsamendutik pasatzen delako
denborarik ez delako gehiago
itzalek tapatu dutenean zure burka osorik
azaroa dabil orain udako bideetan.
© Igor Estankona