Bildumaren zerrendara itzuli Idazle beraren beste lanak


LIBURUARI BURUZKO
KRITIKAK

EROSI LIBURUA
E-BOOK FORMATUAN

 


 

AITA ETA ANAIA INDUSTRIALDETIK

 

Oraindik hutsik dauden partzeletan

belar zakar eta sikua.

Ez dago nahaste perfektuagorik

ahaide odola baino.

 

Zeruak eta egunek inarrosiak,

haltzen artetik igaro

eta uretan orriak diruditen

argi izpien ondotik doaz.

 

Gauza asko pasatu dira

igitaia zorrotzen antzera baina

gaur arrastirian

dena fintasuna.

 

Ez hunkidurarik

ez denborarik euren paparretan.

Aita eta anaia industrialdetik

elkarri hitz eginez bezala.

 

Denok behar izaten dugu,

atseden hartzea esaten zaio.

Eta harrotasunarekin ahalko balute

nire arrankariek ibaian gora igo haraino!

 

 

 

© Igor Estankona

 


www.susa-literatura.eus