Suzko lilia
Suzko lilia
2008, poesia
104 orrialde
978-84-92468-02-7
azala: Xabier Gantzarain
Hedoi Etxarte
1986, Iruñea
 
2012, poesia
 

 

MUNDU-MAPA

 

 

                        helduko dela

                        helduko dela

                        eta egunero dugu bezpera

                                          Teilatuko lizarra

                                          Koldo Izagirre

 

 

nire mundu-mapak

        ez du iparrik

        ez du hegorik

nire mundu-mapak

        orain zartatu ostean

        bi ekuatore ditu

 

bi ekuatore begiak lausotzeko

bi ekuatore malkoak isurtzeko

prozeduraren haginduetara

 

ortzi mugarik gabeko mapak

        lurra hirutan banatzen du

        lotsagabeki

munduan edonon egonda ere

        bi ekuatore hauts artean desagertuak

        ni lotsaraziz

 

bi ekuatore

        Quitotik Nairobira bat

        Madrildik Pekinera bestea

 

nire mundu-mapak

        bi ekuatore ditu

        eta galdua du iparra