Suzko lilia
Suzko lilia
2008, poesia
104 orrialde
978-84-92468-02-7
azala: Xabier Gantzarain
Hedoi Etxarte
1986, Iruñea
 
2012, poesia
 

 

GAMELU HORIAK

 

ardo orbainetan aurkitu dute

gorputz ahaztuek

kanaberazko egunsentia

 

lotan begira

gau honetan

hildakoek ezingo dute dantzatu

ez belarriak moztu dizkietelako

ez

ezta zapatak lapurtu dizkietelako ere

ez

hildakoak ez datoz dantzara

nutella ogitartekorik ez dutelako

zure zilborraren inguruan

 

bakardade horia aurrean dator

sorbalda eta lepoa busti ditudanean

txokolatezko larroxak eskuan dituela

          —eguzkitan teilatuak—

bakardade horia,

ez nazazu utz esatera nindoan honetan

          —odoletan untxiak—

malko eta irribarreetan bakardade horia

denbora opari dela erakutsi nahian

ez nazazu utz esatera nindoanean

hautsi da berogailua hamaika belarritan

udazkenean da abuztua

 

bakardade horia dator

arrain-usainik ez duen gurinezko zartagin

 

liburu berdeen lagunek —ezkertiarrek—

ia isilik diren itsasoetara jo dute

apoek geltokira bezala

bakardade horia dator:

lodi kale osoa hartuz

hilik jaio da

 

zutik jarraituko dut bateriak bukatuta ere

gameluei begira

                      zure zilbor inguruan

                                  isiltasuna edoskiz

                                                pasabidean