Suzko lilia
Suzko lilia
2008, poesia
104 orrialde
978-84-92468-02-7
azala: Xabier Gantzarain
Hedoi Etxarte
1986, Iruñea
 
2012, poesia
 

 

36 GRADU

 

36 gradu egiten zituela

udaberrian Leonidovitxek

eskoziar lorea eman zion Alekseievnari

eta honek bular aurreko poltsikoan sartu zuen

 

joan zen uda eta negua amaitzear zela

Alekseievnak poltsikoaren

behe-aldeko haria askatu eta

jausi egin zen eskoziar lorea

Leonidovitxi esan zion

lorearen arantzek egin zutela zuloa

 

36 gradu egiten zituela

Leonidovitxek lorea jaso zuen

eta eskuak zaurituta

limoia edan zuen begiekin

Eukaliptoen basoan herrenek

Il manifesto irakurtzen zuten

herrenez herren

 

36 gradu egiten zituela

odolusten ari zen Leonidovitx

eta ahoak lurra irensten zuen