ILE BUSTIAK

ikusten zaitut ilea bustita tantak lurrera

begiak itxi eta ukabilak zerura luzatzen

eskuoihala besapeetatik bularren gainetik

bekainak gora

leihoak handitu eta

ezpainak bereizi:

tu m'aimeras encore?

ez dakit erantzuten

oihala kendu eta ilea lehortu duzu

combien est longtemps pour toi?

bekainak gora

leihoak handitu

eta ezpainak bereizi:

nire mingaina jaten duzu

hortzek hormak marratu

urmaeletan muxu gehiegi

ametsa abiaduraren menpe

ulertu beharko zenuke

orain nire txanda da:

luzaroan ez zaitut ikusiko,

combien est longtemps pour toi?

dutxara noa