Arazoa

Negarrez ari da neskatila bazter batean eta pentsatzen du

mina baino pisutsuagoa dela minaren hegala

eta hemendik hara darabil,

min hartutako hatzetik

eguzkia biratzen den espaziora.

Ikusten duena baino gehiago da neskatila

eta ilargi gogorrak haren azalean

begiratzen dio uda bati

non dena hazten den.

Inork ez dio adatsa ihesetatik babesten.

Mutilazioaren kontra bizi da neskatila,

hain txikia han.

Malko bakoitza irtenbiderik gabeko

arazo bat da.

Andreítari