Lurrin urdinean zatoz
hurrindik
kezko ezpata eskuetan
zaldi isiltsuan zamalkari
hurbildu ahala
aurpegia ezabatuta desegin
egiten zaizun bisitaria
apatz baldarrez
loa ezartzera giharretan
garuneko baso korapilatsuetan barrena
arimalde galdutako biztanle telurikoak
esnatzeko ezkontzientziaren egunsentian
aintzinako alkimia formularen
eraginpean legez
logura logura
desmugetako oihalean
josten gaituzun hari epela
mutua
mehea
Logura
zaldun morearen zilueta dardaratia.
© Omar Nabarro