(H)Elenari
Inorentzat izan barik gaiztoa
erdi bi egin zidaten bihotza
sartuta bertan ankerki haiztoa
kupidagabea bezain zorrotza.
zelan moldatu ohi suak ezkoa
hala neu orain, bizirik hilotza;
etxetzat eman didate ghettoa
neurean bilakaraziz arrotza.
hilobiak bai dira hemen ttukun
bestean gaude eginda aspaldi kale,
zoriona gugandik zein urrun.
esku zuridun hainbeste lapur
eta gu apurren baten eskale;
ez zaituztet penaz utziko, egun.
© Omar Nabarro