Hiltzear den argiaren odolak
hautsita inguratsaren zainak
urruneko horma urdina blaitzean,
kristalezko gurpil zorrotzak abiatuta
giharretako bide nekatuetan,
belartzan etzatera deitzen nau
suge nagien logura laberintikoak;
landare gautiarrak hazten orduan
neure erpuruetan, baso bilakatzeko
eta bertan bizi diren basapiztiek
zeure haragia bilatzen dute.
Eztarria kiskaltzen didaten
arimadun beirazko gorputz hotzak,
besterik ez dute aurkitzen.
© Omar Nabarro