Martari
Su gabeko alderantzizko kea
lainoa, mendi maldeetan behera
itsaso ferdearen erribera,
egunsentiko esku lehun askea;
emeki zabaltzen den atea,
zuhaiztien maitemin laztanbera,
lobelarrezko ametsen sendera,
burdin mailarik ez duzun katea,
deuseztu egiten den kubritxeta,
goizargia urratzen duen ganibeta,
begirik gabeko aurpegi mutu;
ainendi zeure magalean bustiz
oroimena gal, desegin neu guztiz,
betirako ez izatera lotu.
© Omar Nabarro