Bildumaren zerrendara itzuli Idazle beraren beste lanak


LIBURUARI BURUZKO
KRITIKAK

EROSI LIBURUA
E-BOOK FORMATUAN

AZALA

 


 

PUNPAKA

 

erditik aurrera irakurtzen hasitako

liburu bat bezala ezagutu nahi zintuzket

lehen erdiko orriak bilatu

edo zeuk azaldu

basa artean edo sasitzan aurkitu

eta falta diren pasarteak asmatu

edo beste aldaera batean esan

 

txango luzeak egin eta nire gogoa

Mantxako mortuan barrena hegalari dabilenean

naizena baino gehiago naizen ilusioak hartzen nau

zauri guztiak direla sendagarri

ez dagoela osatu ez daitekeen testurik

ez higa ez daitekeen harririk

 

autobidean aurreratzen gaituzten

autoetako gidarien albokoak hainbat

banaizelako ilusioak hartzen nau

eta neuregan zaramatzadala iruditzen zait

ilunabar gorrantza hedakorrean

eta une eterno batez itsu-itsuan sinesten dut

kartzelazainen papar iletsu likina gabe

eta presoen bisita galaraziengatik ez balitz

ezinezkoa litzatekeela munduan edertasuna

 

 

 

© cc-by-sa Jose Luis Otamendi

 


www.susa-literatura.eus