NINOTCHKA
Mundua eraldatzeko gauza ginela sinetsirik ere
zure begirada tristea (edo ezaxolatia
Marlenerena bezalakoa) aldaezina zelakoan
etsita bizi ginen Halako batean
zure ahoan irribarre bat loratu zen eta
gure bihotz boltxevikeak hautsi zenituen
Hori al zen zure irribarre amestuaren prezioa?
Ez zaitezela tronpa ordea Ninotchka
begiak argitu dizkizun maitasuna gutxienik
abandonatu duzun fedea bezain itsua baita
© Xabier Izaga