Eskumuinak holakoren partez
bisita gehienetan, edo
gutunetan leitzen diagu
halako ikusi nian eta
gogoratzen haiz...?,
eta joan den astean izan zela
ematen dik. Baina anartean
hildako lagun guztiak ez dituk
egun banaka batzuetan kabitzen,
sakabanaketaren arranpa batean
bailebiltzan dagozela
gure gogoan.
Historia amaitu ei zuan eta
ondoren apur bat biziberritu
trikili-trakala segitzeko,
zenbait oker tartean gu
estrata batean galduta;
gazte kontuak, modak izan
ei dituk. Eta gauzak zer diren,
hara mutikotatik moda
zer begitandu izan zaidan:
anaia nagusiarengandik
jasotako arropak janzteko
ilusioa zapuzten zuen
fenomenoa. Baina hauek
antigoaleko kontuak dituk...
Bihar
edo urte bi barru
eskribituko deuat.
© Xabier Izaga