Eskuak ez daki entzuten
Egunero moztu behar duk hitzbidean
Datorren hitzak ere zango itsuak dizkik
Ez hazaten lilura hilik dauden hitzen argiek
Itzul hadi balizko erroten erresumara
Zain dauzkak denek deitoratu nahi diate
Ikaro baldarraren erorikoa
Hankak ez ditu lerratu
Ez eta zubiz erratu
Heriotzaren mailuak ez du
Zaldia oker perratu
Esak eder esak gogor
Eta bihotzari mintzo baldin bahaiz
Oroit hadi harriari ezin zaizkiola
Begiak nolanahi atera urdinduak
Dituala ni guztien oinazeak Luma
Itzak ele zuriko beleak jo
Itzak ametsak irin hitzak
Higuingarria da legamiarik gabeko ogi hau zuria
Hator erresuma honetara har itzak
Bolizko dorreak ez baina balizko errotak
© Koldo Izagirre