Oraindik ez dut hitz hori aurkitu
Ez haren hezurrik oraindik
Ele zuriak lumatzen dihardut ez da ageri
Noizbait entzuna
Maileguan ezin eska
Guztiak ezagutzera behartua ahantzi egin nuen
Asmatua ez zen hitz hori menturaz ezpainik gabe galdua
Ahantzi egin dut haren hotsa
Errotako zurubi zaharrak maila bat falta du hitz horren eskasean
Ez naiz gorago ausartzen
© Koldo Izagirre