Hiri guztiak ez dira irin
Eta irin guztiak ez dira beltz
Eta beltz guztiak ez dira personak
Baina persona guztiok gara beltzak
Kukuak jo zuen eta nork esanen oker ala zuzen
Bake hau beraien gerra bezain zikina da
Zure begiak edertzen banau
Maitasuna itsua delakoz da
Hiri guztiak ez dira hiretzat
Eta justiziak makila behar du (herrenka dabil)
Zakurrak katerako dira
Zuhaitz eroriari orok agur
Josteko makinek ez dute balio zauriok josteko
Itsu okerrik ez dago
Asteak hamaika egun ditu
Hiri guztiak ez dira herri
Hemen eskubidea ez baita bidezko
Soilduari lazten zaizkio ileak
Isiltasun guztiak ez dira mutu
Urrutiko intxaurrak maite ditugu
Eta balizko errotan jotako ametsak
Aitzurrak eta palak muatuko naute
Ez dut aitaren etxea defendituko
Orhiko txoriak Orhi gorroto
Hiri guztiak ez dira zuri
Eta zuri guztiak ez dira lumak
© Koldo Izagirre