Merezi zenuen afusilatzea
Baina ez zintuzten poetaz erahil
Lauaxeta
Hemen berdin epaitu ohi baita
Izenez ala ezizenez izana
Hemen ez du astirik ematen poetaz hilteko
Gure oroimenean ez du argi egiten zure itzalak
Gure oroimenean gure herriaren ibai meharrenean
Badugu izen gehiago eskuan hartzeko
Lauaxeta
Harririk sotilenak ere laztantzen ditu memoria honen xirripak
Berunez lo hartutako ezizenezko izen xumeak
Sustatu zenuen mehatzaria
Pikotxa etsai odolez bustitzera
Zergatik hil ziren dakiten hildakoek bakarrik
Luzatzen dute itzala lau haizeetara
Dena emon behar yako
Maite dan askatasunari
© Koldo Izagirre